समाजवादी चितवनका सचिवालय सदस्य साकार लामा माओवादी केन्द्र प्रवेश

चितवन – नेकपा समाजवादी चितवनका सचिवालय सदस्य साकार लामा नेपाल कम्युनिष्ट पार्टी (माओवादी) प्रवेश गरेका छन् । आज (बिहीवार) एक कार्यक्रमका विच उनी माओवादी केन्द्र प्रवेश गरेका हुन् ।

एमालेको विद्यार्थी संगठनमा लामो समय काम गरेका उनी एमाले विभाजित भएपछि एकीकृत समाजवादीमा प्रवेश गरेका थिए । उनी अहिले भरतपुर महानगरमा इञ्जिनियरको रुपमा कार्यरत रहेका छन् ।

उनीसहित खेम भट्ट, ऊत्तम सुवेदी, सूर्य प्रकाश लामा माओवादी केन्द्रमा प्रवेश गरेका हुन् । लामालाई माओवादीका नेताहरु सूर्य सुवेदी ‘पथिक’, नारायण दाहालले अबिर र टीका लगाएर पार्टी प्रवेश गराएका हुन् ।