काठमाडौँ – धादिङको धुनिबेसी-९ गणेशस्थानमा गुडिरहेको बसमा आगलागी भएको छ ।
नीलकण्ठ नगरपालिका-१ पात्लेबाट काठमाडौं जाँदै गरेको ग १ ख ४८४६ नम्बरको बसमा एक्कासि आगो लागेको हो ।
बसको इन्जिनबाट धुँवा निसक्नेबित्तिकै सबै यात्रुलाई बाहिर निकालेकाले मानवीय क्षति हुन नपाएको धादिङ प्रहरीले जनाएको छ । उक्त बसमा ३३ यात्रु सवार रहेको र सबै सकुशल रहेको प्रहरीले जनाएको छ ।
बसमा लागेको आगो राजमार्ग क्षेत्रमा रहेको दमकल र स्थानीयवासीले नियन्त्रणमा लिएका छन् । आगलागीबाट बसका सबै सिट जलेर नष्ट भएका छन् भने अगाडि र झ्यालका सबै सिसामा पूर्णरुपले क्षति पुगेको छ ।
विद्युत सट भइ बसमा आगो लागेको प्रहरीको अनुमान छ । प्रहरी र स्थानीयको सहयोगमा आगो नियन्त्रणमा लिएपछि केहीबेर अवरुद्ध बनेको सडक सञ्चालनमा आइसकेको छ ।
