धनुषा : धनुषामा ट्याक्टर र मोटरसाइकल ठोक्किँदा दुई जनाको मृत्यु भएको छ। दुर्घटनामा धनुषाको लक्ष्मीनियाँ गाउँपालिका–४ सपहीका ४५ वर्षीय रामएकवाल ठाकुर र ६० वर्षीय सत्तो साहको मृत्यु भएको जिल्ला प्रहरी कार्यालय धनुषाले जनाएको छ।
गएराति जनकपुर ढल्केबर सडकखण्ड अन्तर्गत लक्ष्मीनियाँमा ज १ त ५२४५ नम्बरको ट्याक्टर र ज १ १० प ६४२९ नम्बरको मोटरसाइकल ठोक्किएर दुर्घटना हुँदा घाइते भएका दुवै जनाको उपचारको क्रममा प्रादेशिक अस्पतालमा मृत्यु भएको हो।
मृतक ठाकुर मोटरसाइकल चालक हुन् भने साह पछाडि सवार रहेका प्रहरीले जनाएको छ।
