दाङ – लुम्बिनी प्रदेशमा पछिल्लो पाँच दिनमा तीन दिन सार्वजनिक बिदा भइसकेको छ । माघ २८ गते शनिबार परेको थियो भने फागुन १ गते जनयुद्ध दिवस भन्दै सरकारले सार्वजनिक बिदा दियो । आज (बुधबार) लुम्बिनी प्रदेश सरकारले पनि सार्वजनिक बिदा दिएको छ ।
प्रदेश सरकार (मन्त्रिपरिषद्) को २०७८ चैत २१ गतेको निर्णयानुसार प्रदेश स्थापना दिवसका अवसरमा सार्वजनिक बिदा दिइएको आन्तरिक मामिला, कानून तथा सहकारी मन्त्रालयले मंगलबार सूचना जारी गरी जनाएको छ। लुम्बिनी प्रदेश सरकारले आफ्नो प्रदेश स्थापना दिवस स्थायी राजधानी देउखुरीमा मनाउने भएको छ।
