बागमती प्रदेशको मन्त्रिपरिषद् विस्तार आज, २ बजे शपथ ग्रहण
काठमाडौँ – बागमती प्रदेशको मन्त्रिपरिषद् विस्तार बुधबार हुँदैछ। प्रदेशका मुख्यमन्त्री शालिकराम जम्मकट्टेलले आज नयाँ मन्त्री नियुक्त गर्ने तयारी गरेका हुन्। मंगलबार साँझ बसेको मन्त्रिपरिषद् बैठकमा बुधबार २ बजे नयाँ मन्त्रीहरूको शपथ ग्रहण गर्नेबारे सहमति भएको छ।
यद्यपि, मन्त्रिपरिषद्लाई पूर्णता दिने वा नदिने बारे टुंगिएको छैन। मन्त्री बन्ने आकांक्षीहरूको संख्या धेरै भएकाले सरकारमा रहेका नेकपा एमाले, नेकपा माओवादी केन्द्र र राप्रपालाई मन्त्री छान्न सकस परेको छ।
नेकपा एमालेले पाँच वटा, माओवादीले चार वटा, राप्रपाले तीन वटा, नेकपा एकीकृत समाजवादीले दुई वटा र हाम्रो नेपाली पार्टीले एक मन्त्रालय मागेका छन्। मन्त्रिपरिषद् बैठकले ११ वटा मन्त्रालय राख्ने स्वीकृत गरेसँगै भागवण्डामा तलमाथि हुनेछ।
संबन्धित समाचारहरु
तपाइँको प्रतिक्रिया