नेपथ्यको कन्सर्टमा पत्रकार आचार्यमाथि कुटपिट

चितवन – मानव सेवा आश्रमको आयोजनामा आइतबार साँझ क्याम्पाचौरमा भएको नेपथ्य कन्सर्टमा पत्रकार राजेन्द्र आचार्यमाथि कुटपिट भएको छ । रिपोर्टिङका लागि कार्यक्रम स्थलमा पुगेका आचार्यमाथि कार्यक्रम स्थलमा बसेका बाउन्सरले आक्रमण गरेका हुन् ।

पत्रकार परिचय पत्र देखाउँदा देखाउँदै पनि आफुमाथि आक्रमण भएको आचार्यले बताएका छन् । पत्रकार आचार्य पत्रकार महासंघ चितवन शाखाका कोषाध्यक्ष हुन् । नेपाल टेलिभिजनको चितवन संवाददाताका रुपमा काम गरिरहेका आचार्य सौराहा अनलाईनका सञ्चालक समेत हुन् ।