चितवन – चितवनको रत्ननगरनगरपालिका १ सौराहाचोकस्थित एक ग्यारेजमा आगलागी भएको छ ।
खैरहनी नगरपालिका ६ का रामचन्द्र कोईरालाले सञ्चालन गरेको न्यु कालिका अटो पार्टस/कालिका मोटर पार्टसमा आज (मंगलबार) बिहान ३:५० बजे आगलागी भएको हो । उक्त ग्यारेजमा अचानक आगलागी भएको जिल्ला प्रहरी कार्यालय चितवनले जानकारी दिएको छ ।
भरतपुर महानगरपालिका र खैरहनी नगरपालिकाको बारुणयन्त्रको सहयोगमा प्रहरी र स्थानीयले बिहान ५:५५ बजे आगो पूर्ण रुपमा नियन्त्रणमा लिएका थिए । आगलागीको कारण खुल्न नसकेको प्रहरीले जनाएको छ ।
आगलागीबाट यामाहा कम्पनीको १२ वटा नयाँ मोटरसाइकल र २० भन्दा बढी पुरानो मोटरसाइकल क्षति पुगेको प्रहरीले जानकारी दिएको छ । क्षतिको पूर्ण विवरण भने आउन बाँकी रहेको छ ।
