आफ्नो क्षेत्रबाट राष्ट्रिय राजनीतिमा याेगदान गर्न चाहन्छु : डा अधिकारी
चितवन – चितवन निर्वाचन क्षेत्र नम्बर ३ क्को प्रतिनिधिसभा सदस्य उम्मेदवार डा. भाेजराज अधिकारीले आफ्नो क्षेत्रबाट राष्ट्रिय राजनितीमा याेगदान गर्न जनताको उम्मेदवार बनेको बताएका छन् ।
पटिहानीमा आयोजित कार्यक्रमलाई सम्बाेधन गर्दै उनले सो कुरा बताएका हुन् । उनले पटिहानीसँग जाेडिएकाे पर्यटन क्षेत्रकाे विकास गर्न आफुले पहल गर्ने बताए । स्थानीय उम्मेदवार भएकाले समेत सबैकाे साथ र सहयोगका लागि अपेक्षा रहेको बताए ।
उनले जनतासँग अस्पताल जाेड्ने, समतामूलक शिक्षा, स्वराेजगार सिर्जना गर्न प्रतिबद्ध रहेको बताए । यसका लागि निर्वाचित भएपछि याेजनाकाे विस्तृतिकरण गरेर अघि बढ्ने उनले प्रतिवद्धता जनाए ।
पश्चिम चितवनको पटिहानी क्षेत्रकाे विकास र समृद्धिका लागि यहाँका स्थानीयकाे सहयोग लिने उद्घाेष गरे । परिवर्तनकारी परिवर्तनको एजेन्डा लिएर जनतामाझ आएको बताए ।कार्यक्रममा राष्ट्रिय सभा सदस्य गंगा बेलबासे, प्रतिनिधिसभा सदस्य समानुपातिक उमेदवार ज्ञानु बस्नेत, माओवादी नेता गाेपाल न्याैपाने, रामलाल महत्ताे, साजन अधिकारी लगायत नेता कार्यकर्ताको उपस्थिति रहेको थियो ।
तपाइँको प्रतिक्रिया