चितवन – चितवनको खैरहनी नगरपालिका ३ बाट सात जुवाडे पक्राउ परेका छन् ।
बुधवार राति ९ बजे स्थानीय चिरञ्जिवी सडौलाको घरमा जुवा तास खेलिरहेको अवस्थामा प्रहरीले सात जनालाई पक्राउ गरेको हो । पक्राउ पर्नेमा घरमालिक ४२ वर्षीय सडौलासहित स्थानीय ४० वर्षीय सुक बहादुर तामाङ, रोशन तामाङ, २२ वर्षीय पारस तामाङ, कृष्ण थापा, ३८ वर्षीय वुद्ध तामाङ र २५ वर्षीय प्रज्वल बिसुराल रहेका छन् ।
उनीहरुको साथबाट नगद दुई लाख २४ हजार ५२० रुपैयाँ र एक बुक तास बरामत भएको जिल्ला प्रहरी कार्यालय चितवनले जानकारी दिएको छ । उनीहरुमाथि थप अनुसन्धान भइरहेको प्रहरीले जनाएको छ ।
