चितवनमा असोज ८ गते सुजन चापागाईको एकल शो
![](https://a2zsamachar.com/wp-content/uploads/2022/09/sujan-.jpg)
चितवन – युवा पुस्ता माझ लोकप्रिय गायक सुजन चापागाईले चितवनमा संगीतिक प्रस्तुति दिने भएका छन् ।
हेन्ड ईन हेण्ड इभेन्ट चितवनले असोज ८ गते चापागाईको गृहजिल्लामा कार्यक्रम गर्ने भएको हो । कार्यक्रम भरतपुरस्थित चितवन गार्डेन रिसोर्ट (सिजिआर) मा हुनेछ ।
संस्थाका अध्यक्ष निकेश बरालका अनुसार कार्यक्रम बेलुकी ६ देखि राति ९ बजेसम्म चल्ने छ । चापागाईले आफ्नो व्याण्डसहित प्रस्तुति दिनेछन् । उनको ब्याण्डमा नेपालका चर्चित संगीतकर्मीहरु रहेका छन् ।
कार्यक्रममा उनले आफ्ना चर्चित गीतहरु गाउनेछन् । उनको ‘तिनपाते’, ‘बाफ’, ‘लजाएर’, ‘गाला पुक्क’, ‘घुमि घुमि’, ‘चुलबुल चुलबुल’ जस्ता हिट गीत रहेका छन् । कार्यक्रममा उनले यिनै गीतहरु गाएर दर्शकलाई झुमाउने छन् ।
कार्यक्रमका लागि एक हजार रुपैयाँको टिकटको व्यवस्था गरिएको छ । सिजी ल्याण्डमार्क र मेडी डर्मा केयर हाकिमचोकमा खरिद गर्न सकिनेछ । यस्तै आईएमई पे मार्फत पनि टिकट खरिद गर्न सक्ने व्यवस्था गरिएको छ ।
तपाइँको प्रतिक्रिया