चितवन – चितवनमा कृपा स्मरण दिवस-२०२२ भब्य रुपमा सम्पन्न भएको छ। श्री सत्य साई सेवा संगठन नेपाल प्रदेश न. ३ ख, को आयोजनामा आईतबार भरतपुर महानगरपालिका -७ स्थित बि. पि कोईराला मेमोरियल क्यान्सर अस्पतालको सभाहलमा सम्पन्न भएको हो ।
कार्यक्रममा आध्यात्मिक, भजन नाटक, नृत्य, प्रबचन लगायतका प्रदर्शनिहरु प्रस्तुत गरिएको थियो। निकिता श्रेष्ठद्वारा निर्देशित नयाँ प्रबिधिको ” छाया नाटक ” संगठनद्वारा संचालित बाल आश्रमका छोरीहरु बाट प्रदर्शन गरिएको थियो।
भजन गायन मार्फत राष्ट्रिय स्तरमा छुट्टै पहिचान बनाउन सफल कार्यक्रमका केन्द्रबिन्दु गायक मानिस सापकोटाले आधा दर्जन भन्दा बढी भजन गाएका थिए। भजनमा दर्शकहरु मन्त्रमुग्ध थिए भने सभाहल गुन्जयमान थियो ।
कार्यक्रममा मेनुका थापाको सुमधुर भजन र आश्रमका छोरीहरुको नृत्यले थप आकर्षण थपेको थियो ।अम्बर बहादुर कार्कीको प्रमुख आतिथ्यतामा सम्पन्न कार्यक्रमको सम्योजन रामासिस ठाकुरले गरेका थिए।
