भरतपुरको जुगेडीमा ट्रकको ठक्करबाट पैदलयात्रीको मृत्यु
चितवन – भरतपुरको जुगेडीमा ट्रकको ठक्करबाट पैदलयात्रीको मृत्यु भएको छ । बुधबार बेलुकी ८ः१५ बजेको समयमा चितवनको भरतपुर महानगरपालिका वडा नं २९ जुगेडीस्थित मुग्लिङ नारायणगढ सडकखण्डमा भरतपुरबाट मुग्लिङतर्फ जाँदै गरेको ग १ ख ९९५५ नम्बरको ट्रकले २५ वर्षका पुरुष नाम, थर, वतन नखुलेका पैदलयात्रीलाई ठक्कर दिँदा घटनास्थलमै मृत्यु भएको छ ।
घटनास्थलमा प्रहरी चौकी जुगेडी र जिल्ला प्रहरी कार्यालय चितवनबाट खटिएको प्रहरी टोलीले ठक्कर दिने सवारी साधन र चालकलाई जिप्रका चितवनको नियन्त्रणमा लिएको छ । मृतकको शव पोस्ट मार्टमका लागि भरतपुर अस्पतालको शवगृहमा राखिएको प्रहरीले जनाएको छ ।
तपाइँको प्रतिक्रिया