चितवन – चितवनमा प्रेमको नाटक गरेर विवाहित पुरुषसँग २६ लाख रुपैयाँ ठगी गर्ने सम्भावी पौडेललाई प्रहरीले पक्राउ गरेको छ । नवलपुरकाे गैंडाको ११ घर भएकी २६ बर्षिय युवतीले केटा साथी बनाएर २६ लाख बढी ठगी गरेकाे भन्दै प्रहरीले पक्राउ गरेकाे हो ।
उनले भरतपुर महानगरपालिका वडा नमब्र १ बस्ने ५३ वर्षीय पुरुषलाई फेसबुकबाट साथी बनाएर २६ लाख ४५ हजार ७ सय रुपैयाँ ठगि गरेकाे चितवन प्रहरीले जानकारी दिएकाे छ। विभिन्न बाहाना बनाई आफू र आफन्तको नाममा उक्त रकम लिएर त्यसपछि सम्पर्क बिहिन भएपछि आफू ठगिएको भन्दै ती पुरुषले उजुरी दिएका थिए ।
कानून बमोजिम कारवाही गरि ठगी भएको रकम असुल उपर गरि पाँउ भनेर जाहेरी दरखास्तको आधारमा पक्राउ गरिएको र जिल्ला अदालत चितवनकाे अनुमतिले असार १८ गते पक्राउ गरी पक्राउ मितिबाट नै लागू हुने गरि अदालतबाट म्याद थपकाे अनुमति लिएर थप अनुसन्धान भइरहेकाे डिएसपी अधिकारीले जानकारी दिए ।
