चितवनमा आफ्नै भतिजीलाई बलात्कार गरेको आरोपमा एक पुरुष पक्राउ
चितवन – चितवनमा आफ्नै भतिजीमाथि बलात्कार गरेको अभियोगमा एक पुरुष पक्राउ परेका छन् । रत्ननगर नगरपालिका १० का ति पुरुष अहिले प्रहरीको नियन्त्रणमा छन्।
ती पुरूषले आफूलाई बलात्कार गरेको बयान १५ वर्षीया बालिकाले प्रहरीसमक्ष दिएकी छन्। छोरी हराएपछि आमाले खोजिदिन आग्रह गरेर प्रहरी कार्यालयमा निवेदन दिएकी थिइन्।
खोज तलासका क्रममा भेटिएपछि बालिकाले ठूलो बुवाले गरेको दुर्व्यवहार सहन नसकेर भाग्नु परेको बताएकी थिइन्। त्यसपछि प्रहरीले ती पुरूषलाई नियन्त्रणमा लिएको थियो। घटनाको विषयमा अनुसन्धान भइरहेको जिल्ला प्रहरी कार्यालय चितवनले जानकारी दिएको छ।
संबन्धित समाचारहरु
तपाइँको प्रतिक्रिया