चितवन – नवलपुरको गैंडाकोट नगरपालिकामा गठबन्धनको विरोध गर्दै वडा सभापतिसहित ५५ जना नेपाली कांग्रेसका कार्यकर्ताले सामूहिक राजीनामा घोषणा गरेका छन् ।
नेपाली कांग्रेस गैँडाकोट नगर कमिटी वडा नं. ८ ले गठबन्धनको विरोध गर्दै नगर सभापति समक्ष राजीनामा दिएका हुन् ।वडा सभापति रामप्रसाद सापकोटासहित वडा समितिमा आवद्ध रहेका सबैले नगरसभापति बद्री सापकोटा समक्ष राजीनामा दिएका हुन् । राजीनामा पत्रमा ५५ जनाको हस्ताक्षर रहेको छ ।
कार्यालयमा कार्यकर्ताले कांग्रेस मास्न पाइदैन, गठबन्धन चाहिदैन, नेपाली कांग्रेस जिन्दावाद, गठबन्धन मुर्दावाद जस्ता चर्का नारावाजी गरेका थिए । गैंडाकोटमा कांग्रेसका नेता तथा कार्यकर्ताहरु गठबन्धनको विरोधमा छन् ।
