चितवनमा मोटरसाइकल दुर्घटनाबाट एक जनाको मृत्यु, दुई घाइते
चितवन– मुग्लिन–नारायणगढ सडकखण्ड अन्तर्गत इच्छाकामना ६ जलविरेमा आज बिहान भएको मोटरसाइकल दुर्घटनामा परि एक जनाको ज्यान गएको छ ।
दुर्घटनाबाट भरतपुर महानगरपालिका–१८ की ३१ वर्षीय अम्बिसा गुरुङको उपचारको क्रममा मृत्यु भएको मृत्यु भएको छ भने मृतका ३५ वर्षीय श्रीमान निराज गुरुङ र ९ वर्षीय छोरी खुस्बु गुरुङ घाइते भएको प्रहरीले जनाएको छ ।
जिल्ला ट्राफिक प्रहरी कार्यालय चितवनका अनुसार नारायणगढबाट मुग्लिनतर्फ जाँदैै गरेको ना ३२ प ८२४८ नम्बरको मोटरसाइकललाई विपरीत दिशाबाट आउँदै गरेको ना ७ ख ८१४१ नम्बरको तेल बोक्ने ट्याङकरले ठक्कर दिएको थियो ।
घाइतेको मेडिकल कलेज भरतपुरमा उपचार भइरहेको प्रहरीले जनाएको छ ।
तपाइँको प्रतिक्रिया