नेपालमा आज थप २ हजार ३१९ जना कोरोनामुक्त, ७४७ नयाँ थपिए

चितवन – नेपालमा आज थप २ हजार ३१९ जना कोरोनामुक्त भएका छन् । यस सँगै नेपालभर हालसम्म कोरोना संक्रमित निको हुनेदर ९६.६ प्रतिशत रहेको छ ।

नेपालमा आज थप ७४७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पीसीआर परिक्षणबाट ४८२ जना र एन्टिजन परिक्षणबाट २६५ जना गरि जम्मा ७४७ जना नयाँ संक्रमित थपिएका हुन् । मन्त्रालयका अनुसार २४ घण्टामा कोरोना संक्रमितको संख्या भन्दा निको हुनेको संख्या धेरै रहेको छ ।

त्यस्तै यस अवधिमा ८ जनाको मृत्यु भएको छ । यस्तै हालसम्म कोरोनाबाट मृत्यु हुनेको संख्या ११ हजार ९०० रहेको छ । पछिल्लो २४ घण्टामा ८ हजार ६९६ जनाले कोरोना परिक्षण गरेका थिए भने दुई लाख १६ हजार ११८ जनाले खोप लगाएका थिए । हाल सक्रिय संक्रमितको संख्या २० हजार ७३९ रहेको छ ।