हिमालय दण्डपाणि न्यौपाने माध्यामिक विद्यालय,चम्पानगरको प्रधानाध्यापकमा सुवेदी

भरतपुर – हिमालय दण्डपाणि न्यौपाने माध्यामिक विद्यालय, चम्पानगरको निमित्त प्रधानाध्यापकमा भानुभक्त सुवेदी नियुक्त हुनु भएको छ ।प्रधानाध्यापक त्रिलोचन सापकोटा नारायणी नमुना माध्यामिक विद्यालयमा सरुवा हुनु भएपछि व्यवस्थापन समितिको निर्णय अनुसार सुवेदीलाई निमित्त प्रधानाध्यापकको जिम्मेवारी दिईएको हो । एक दशक बढि समय देखि यसै विद्यालयमा अध्यापन गराउँदै आउनु भएका सुवेदी यस अघि सह प्रधानाध्यापक हुनुहुन्थ्यो ।

यस्तै समितिको बैठकले सहायक प्रधानाध्यापकमा मित्रलाल पौडेललाई आइतवारबाटनै औपचारिक जिम्मेवारीमा दिएको विद्यालय व्यवस्थापन समितिका अध्यक्ष गोपाल न्यौपानेले जानकारी दिनुभयो ।भरतपुर महानगरपालिका वडा नम्बर १३, चम्पानगरमा रहेको यो विद्यालय जिल्लाकै उत्कृष्ट मध्येको एक सामुदायिक विद्यालय हो ।