काठमाडौं– चालू आर्थिक वर्षको दोस्रो त्रैमास अवधिसम्ममा नबिल बैंक लिमिटेडले २ अर्ब १८ करोड १४ लाख २० हजार रुपैयाँ खुद नाफा आर्जन गरेको छ ।
अघिल्लो वर्षको सोही अवधिमा बैंकले खुद नाफा २ अर्ब १ करोड ६० लाख २३ हजार कमाएको थियो । बैंकले सार्वजनिक गरेको वित्तिय विवरण अनुसार गत वर्षको तुलनामा यस वर्ष खुद नाफा ८ दशमलव २० प्रतिशत बढेको देखिएको हो ।
यस अवधिसम्म बैकको वितरणयोग्य नाफा १ अर्ब ४५ करोड ८ लाख ६० हजार रुपैयाँ पुगेकोे छ । यो नाफा गत वर्ष यस अवधिसम्म १ अर्ब ८४ करोड २९ लाख ६१ हजार थियो ।
