पूर्वी चितवनको एक क्याफेबाट खैरो हिरोईनसहित दुई पक्राउ
चितवन – पूर्वी चितवनबाट खैरो हिरोईनसहित दुई युवक पक्राउ परेका छन् । खैरहनी नगरपालिका ८ मगनीचोकस्थित यूनिक अड्डा एण्ड क्याफेबाट प्रहरीले दुई जनालाई पक्राउ गरेको हो ।
पक्राउ पर्नेहरुमा खैरहनी ३ धुसरीका ३० वर्षीय बिक्रम खत्री र खैरहनी ६ सुनगाभा टोलका ३६ वर्षीय श्याम थापा मगर रहेका छन् । क्याफेमा लागु औषध सेवन तथा बिक्री वितरण भइरहेको भन्ने सूचनाको आधारमा खटिएको प्रहरीको टोलीले बुधवार बिहान १०:३० बजे शंकास्पद अवस्थामा उनीहरुलाई पक्राउ गरेको हो ।
उनीहरुको साथबाट एक ग्राम सात सय ७० मिलिग्राम खैरोहिरोईन् फेला परेको जिल्ला प्रहरी कार्यालय चितवनले जानकारी दिएको छ । यस्तै उनीहरुको साथबाट दुई थान मोबाईल, एक थान स्टिलको प्लेट र खैरो हेरोईन सेवन गर्न प्रयोग भएको एकापट्टीको भाग केही जलेको पाँच रुपैयाँको नोट पनि बरामत भएको प्रहरीले जनाएको छ ।
पक्राउ परेका दुबै जनालाई जिल्ला अदालत चितवनबाट म्याद थप अनुमती लिई अनुसन्धान अघि बढाईएको प्रहरीले जानकारी दिएको छ ।
ताजा अपडेट
संबन्धित समाचारहरु
तपाइँको प्रतिक्रिया