गोरखा – गोरखा नगरपालिका वडा नं १ को नेकपा माओवादी (केन्द्र) को भेला सम्पन्न भएको छ ।आज (शनिबार) काठमाडौको बालाजुमा भेला सम्पन्न भएको हो ।
कार्यक्रमलाई सम्बोधन गर्दै नगर कमिटीका सदस्य शम्भु भट्टले पाटिका विभिन्न कमि कमजोरीहरू साथै गल्तीलाई नियाल्दै आगामी दिनमा यस्ता कमजोरीलाई पनि सच्याउने प्रतिबद्धता व्यक्त गरे ।
गोरखा नगरपालिका १ का नेकपा माओवादी (केन्द्र) को अध्यक्ष गोविन्द प्रसाद भट्टराईले आगामी कार्य योजनाको बारेमा आफ्नो धारणा सार्वजनिक गर्दै विगतमा भएका आफ्नो कमि र कमजोरीहरूलाई सुधार गर्दै आगामी दिनमा नयाँ बिचार का साथै अगाडि बढ्ने बताए ।
गोरखा नगरपालिका १ लाई समृद्ध वडाको रुपमा स्थापित गर्ने र गाउँ देखि शहर सम्मको सम्पर्क निरन्तर गरी आगामी दिनमा सहज तरिकाले काम गर्ने निर्णय उनले बताए ।
कार्यक्रममा नगर कमिटी सदस्य गोविन्द प्रसाद भट्टराई शम्भु भट्ट, कलाधर भट्ट लगायतले मन्तव्य राखेका थिए । टेकनाथ भट्टराईको अध्यक्षता रहेको उक्त कार्यक्रममा ६० जना काठमाडौं रहेका स्थानीय युवाको उपस्थित रहेको थियो ।
