बुधवारदेखि चितवनबाट ‘न्यूजप्रवाह साप्ताहिक’ प्रकाशन हुने
चितवन – बुधवारदेखि चितवनबाट ‘न्यूजप्रवाह साप्ताहिक’ पत्रिका प्रकाशन हुने भएको छ । बि एण्ड बि मिडिया प्रा.लि. ले उक्त साप्ताहिक पत्रिका प्रकाशन गर्न लागेको हो ।
दुई दशकदेखि सञ्चार क्षेत्रमा आवद्ध मिडियाका सञ्चालक बबिलाल तामाङले कोभिड महामारीको समयमा चुनौतीकैबीच पत्रिका प्रकाशन गर्न लागिएको बताए ।
अहिलेको विषम परिस्थितिमा मिडियाको भूमिका महत्वपूर्ण हुने उनले बताए । उनले पत्रिकाको माध्यमबाट आवाजविहीनहरूको आवाजलाई बुलन्द बनाउन प्रयास गरिने बताए ।
पत्रिका प्रकाशन पश्चात प्रतिक्रिया दिन पाठकहरुलाई आग्रह पनि गरेका छन् । एण्ड बि मिडियाले दुई वर्षदेखि ‘न्यूजप्रवाह डटकम’ (अनलाइन पत्रिका) पनि सञ्चालन गर्दै आइरहेको छ ।
तपाइँको प्रतिक्रिया