नारायणगढमा मास्क अभियान, एक सय बढीलाई मास्क वितरण

नारायणगढ – भरतपुर महानगरपालिका १ नारायणगढको दियालाे राेड टाेल विकास समिति तथा दियालाे आमा समुहकाे मास्क अभियान सम्पन्न भएकाे छ।

‘महामारी नियन्त्रण र रोकथाममा मेरो प्रतिबद्धता, मास्क लगाउनु नै आजको आवश्यकता’ भन्ने नाराका साथ आज (शनिबार) उक्त अभियान सम्पन्न भएको हो ।

कार्यक्रममा सहभागीहरुले ‘तपाईंकाे मास्क खै’, ‘मास्क लगाउनु नै आजको आवश्यकता’, ‘भाैतिक दुरि कायम गराैं’,’घरबाट बाहिर निस्कदा म मास्क लगाउने छु’ जस्ता सचेतनामुलक नारा अंकित प्ले कार्ड बोकेका थिए ।

बिहान ८ बजेदेखि भरतपुर १ दियालाेराेडकाे गाेरेश्वोर पशुपतिनाथ मन्दिरबाट सुरु भएको मास्क अभियान दियालाेराेड, नारायणी किनार हुँदै पोखरा बसपार्कमा पुगेर सम्पन्न भएकाे थियाे ।

कार्यक्रममा एक सय जना भन्दा बढी पैदल यात्रुलाई मास्क प्रदान गरिएकाे थियाे। युवा व्यवसायी तथा समाजसेवी चन्दन अग्रवालले मास्क उपलब्ध गराएका थिए ।