भरतपुर विमानस्थलमा आगलागी, विशिष्ट कक्षमा पूर्णरुपमा क्षति
चितवन – भरतपुर विमानस्थलको विशिष्ट कक्षमा आगलागी भएको छ । आज (शनिबार) बिहान ६ः४५ बजे विद्युत् सर्ट भएर विमानस्थलको विशिष्ट कक्षमा आगलागी भएको हो ।
विमानस्थलको दमकलको सहयोगले आगो ७ बजे नै आएको जिल्ला प्रहरी कार्यालय चितवनले जानकारी दिएको छ । आगलागीबाट दुई वटा एसी, विशिष्ट कक्षको ३ वटा सोफा, एउटा सेनिटाइजर बक्स जलेर नष्ट भएको तथा २ वटा पंखा बिग्रिएको प्रहरीले जनाएको छ ।
आगलागीबाट विशिष्ट कक्ष पूर्णरुपमा क्षति भएको विमानस्थलले जनाएको छ ।
तपाइँको प्रतिक्रिया