भरतपुरको तेज ईन्टरप्राईजेज फर्निचरमा आगलागी

चितवन – भरतपुर महानगरपालिका ४ दुर्गाचोकस्थित तेज ईन्टरप्राईजेज फर्निचरमा आगलागी भएको छ । तेजु निउरेले सञ्चालन गरेको फर्निचरमा आज (आइतबार ) दिउँसो १:१० बजे एक्कासी करेन्ट सर्ट भई आगलागी भएको हो ।

अहिले नेपाल प्रहरी, सशस्त्र प्रहरी, भरतपुर महानगरको दुई तथा खैरहनी नगरपालिकाको एक वटा दमकल र स्थानीयले आगो निभाउने प्रयास गरिरहेका छन् । आगो अझै नियन्त्रणमा आउन नसकेको जिल्ला प्रहरी कार्यालय चितवनले जानकारी दिएको छ  । घटनाको थप विवरण आउन बाँकी छ ।