खैरहनीमा ट्याङ्करको ठक्करबाट एक जनाको मृत्यु, एक घाईते
चितवन – चितवनको खैरहनिमा ट्याङ्करको ठक्करबाट एक जनाको मृत्यु भएको छ । आज ५ : ५५ बजेको समयमा खैरहनि नगरपालिका वडा नम्बर ८ पर्सा चोकमा ट्याङ्करले मोटरसाईकललाई ठक्कर दिँदा खैरहनी नगरपालिका १० कि २३ बर्षिय सिर्जना चौधरीको मृत्यु भएको हो ।
मोटरसाईकल पछाडी सवार चौधरी गम्भीर घाईते भई उपचारको लागि पुरानो मेडिकल कलेजमा लगिएको थियो । उनको ६ : ४५ मा मृत्यु भएको जिल्ला प्रहरी कार्यलय चितवनले जनाएको छ ।
पुर्वबाट पश्चिम तर्फ आउदै गरेको ना ८ ख ३०२४ को तेल ट्याङ्करले बिपरित दिशाबाट जाँदै गरेको रा ४५ प ५१२२ को मोटरसाईकललाई ठक्कर दिँदा मोटरसाईकल चालक रत्ननगर ३ का सुबास चौधरी सामान्य घाईते भएका छन् । उनको पुरानो मेडिकल कलेजमा उपचार भईरहेको छ । ठक्कर दिने सवारी साधन र चालक नियन्त्रणमा लिएको प्रहरिले जनाएको छ ।
तपाइँको प्रतिक्रिया