चौबिस घण्टामा २,१६४ जनाले जिते कोरोना, १,८७५ संक्रमित थपिए, २१ जनाको मृत्यु
काठमाडौं – नेपालमा पछिल्लो चौबिस घण्टामा १,८७५ जनामा कोरोना भाईरस संक्रमण पुष्टी भएको छ । स्वास्थ्य तथा जनसंख्या मन्त्रालयका अनुसार १० हजार ६६ जनामा परीक्षण गर्दा १,८७५ जनामा संक्रमण पुष्टि भएको हो ।
त्यस्तै सोही अवधिमा २,१६४ जना संक्रमण मुक्त भएका छन् भने कोरोनाबाट थप २१ जनाले ज्यान गुमाएका छन् । यससँगै देशभर कोरोनाबाट मृत्यु हुनेको कुल संख्या ९ हजार ५२७ पुगेको छ।
हालसम्म कोरोना संक्रमितको कुल संख्या ७ लाख नाघेको छ । पीसीआर विधिबाट भएको परीक्षणमा हालसम्म ६ लाख ६५ हजार ८८६ जनामा संक्रमण पुष्टि भएको छ भने एन्टिजेन विधिबाट ४८ हजार ३६२ जनामा संक्रमण पुष्टि भएको छ । यस्तै हालसम्म संक्रमितमध्ये ६ लाख ३० हजार ४०७ जना निको भएका छन् ।
तपाइँको प्रतिक्रिया