चितवनमा आज १३८ कोरोना संक्रमित थपिए, १ जनाको मृत्‍यु, ४२ संक्रमणमुक्त

चितवन – चितवनमा पछील्लो चौबिस घण्टामा १३८ जनामा कोरोना भाईरस संक्रमण पुष्टी भएको छ । जिल्ला स्वास्थ्य कार्यालय चितवनका अनुसार जिल्लाभर १३८ जनामा कोरोना भाईरस संक्रमण पुष्टी भएको हो । स्वास्थ्य कार्यालयका अनुसार चितवनमा कोरोना संक्रमितको संख्या हालसम्म १४ हजार २२३ पुगेको छ ।

त्यस्तै पछिल्लो चौबिस घण्टामा १ जनाको मृत्‍यु भएको छ । यो संगै चितवनमा कोरोनाबाट मृत्‍यु हुनेको संख्या २२५ पुगेको छ । त्यस्तै जिल्लामा सकृय संक्रमितको संख्या ३ हजार ४१० पुगेको छ । जसमध्य ३ हजार २३२ जना होम आईशोलेसनमा, ३१ जना पब्लिक आईशोलेशनमा छन् भने १४७ जनाको जिल्लाका विभिन्न अस्पतालहरुमा उपचार भई रहेको छ। यस्तै पछिल्लो चौबिस घण्टामा ४२ जना कोरोना जितेर डिस्चार्ज भएका छन् । आजसम्म जिल्लामा कोरोना जितेर घर फर्कनेको संख्या १० हजार ५८८ पुगेको छ ।