नेपालमा फेरी उकालो लाग्दै कोरोना संक्रमण दर: आज एकैदिन १६७ संक्रमित
चितवन – नेपालमा फेरी कोरोना भाइरस संक्रमितको संख्या उकालो लाग्दै गएको छ । भारतमा संक्रमण दर ह्वात्तै बढीरहेको बेलामा नेपालमा पनि कोरोना संक्रमितको ग्राफ उकालो लागेको हो ।
स्वास्थ्य तथा जनसंख्या मन्त्रालयका अनुसार आज (मंगलबार) एकै दिन १६७ जनामा कोरोना संक्रमण पुष्टि भएको छ । आज ३ हजार १४० जनाको स्वाब परीक्षण गरिएकोमा १६७ जनाको रिपोर्ट पोजेटिभ आएको हो । यस अघि सोमबार १४१ तथा आइतबार ८९ जनामा कोरोना पुष्टि भएको मन्त्रालयले जनाएको छ । यससँगै अहिलेसम्म कोरोना संक्रमितको संख्या २ लाख ७७ हजार १४७ पुगेको छ ।
यस्तै पछिल्लो घण्टामा ११५ जना संक्रमणमुक्त भएका छन् । यससँगै कोरोनामुक्त हुनेको संख्या २ लाख ७२ हजार ७२७ पुगेको छ । संक्रमित मध्ये ३ हजार ३० जनाको मृत्यु भएको छ । पछिल्लो घण्टामा मात्रै ३ जनाको मृत्यु भएको छ । १ हजार ३९० जनामा अझै कोरोना सक्रिय छ ।
ताजा अपडेट
संबन्धित समाचारहरु
तपाइँको प्रतिक्रिया