चितवन – चितवनमा प्रहरीलाई घुस दिन खोज्ने ट्रक चालक पक्राउ परेका छन् । पक्राउ पर्नेमा ना ३ ख २३२२ नम्बरको ट्रक चालक नवलपुरको बुलिङटार २ का ३२ वर्षीय भरत लुङ्गेली मगर रहेका छन् । आज (शनिबार) बेलुका ८:४० बजे नारायणगढको पुलचोकमा ड्युटीमा खटिएका प्रहरी हवल्दार हरिबहादुर घर्ती मगरलाई घुस दिन खोज्ने मगरलाई पक्राउ गरिएको जिल्ला प्रहरी कार्यालय चितवनले जनाएको छ।
ट्रक रोकेर कागजपत्र चेकजाँच गर्ने क्रममा उनले चितवन राईस मिल समितिको चलानी पत्र भित्र एक सय रुपैयाँ राखेर घुस दिन खोजेको प्रहरीले जनाएको छ । प्रहरीका अनुसार चालकसँग सबारी चालक अनुमती पत्र साथमा नभएकोले घुस दिन खोजेका हुन् । उनलाई पक्राउ गरी अनुसन्धान अघि बढाइएको चितवनका प्रहरी प्रवक्ता डिएसपी सुर्य थापाले जानकारी दिए।
