चितवन – भरतपुर महानगरपालिका २० शारदानगरको एक फर्निचरमा आगलागी भएको छ । शारदानगरस्थित महेन्द्र सापकोटाको अनुपम काष्ठ तथा फर्निचरमा उद्योगमा आगलागी भएको हो ।
आज (शुक्रबार) राती १० : ३० बजे एक्कासी आगलागी भएको हो । भरतपुर महानगरपालिकाका दुई तथा खैरहनी नगरपालिकाको एउटा दमकल, महानगरका वरुणयन्त्र सहायक इन्चार्ज अबिरल पोख्रेलसहितको टोली, प्रहरी र स्थानीयले आगो नियन्त्रणमा लिएको घटनास्थलबाट हाम्रा सहकर्मी प्रेम सापकोटा (किरण) ले जानकारी दिए ।
आगलागीबाट फर्निचर जलेर नष्ट भएको बुझिएको छ । आगलागिबाट ४५ लाख भन्दाबढी क्षति भएको उद्योग संचालक सापकोटाले जानकारी दिए । आगलागीको कारण भने आउन बाकी छ ।
