सुर्खेत – भारतबाट नेपाल फर्किने क्रममा सवारी दुर्घटनामा परी चार नेपालीको मृत्यु भएको छ । रोजगारीको शिलशिलामा भारत गएका दैलेखको दुल्लु नगरपालिका–६ खर्चेगैराका कालो रावलकाे परिवारका ३ सदस्यसहित नेपाल फर्किन लागेका चार जनाको मृत्यु भएको हो।
मृत्यु हुनेहरुमा कालो रावल, उनकी श्रीमती बुदी रावल, सात बर्षीय छोरा टोपेन्द्र रावल र सँगै यात्रा गरिरहेका तिलक घर्तीको रहेका छन् । उनीहरु बम्बईबाट आउने क्रममा उत्तर प्रदेशको नोयडा भन्ने ठाउँमा गाडी दुर्घटना हुँदा मृत्यु भएको दुल्लु नगरपालिका–६ का वडाध्यक्ष बखत बहादुर खड्काले जानकारी दिए ।
