कञ्चनपुर – कञ्चनपुरमा प्रहरी र भारतीय तस्करबिचको दोहोरो भिडन्त भएको छ । बेलौरी नगरपालिका ७ मा नेपाल भारत सीमा नजिकै भारतीय तस्कर र प्रहरीबीच दोहोरो भिडन्त भएको हो ।
भिडन्तमा गोलि चल्दा एक जना भारतीय नागरिकको मृत्यु भएको छ ।बिहिबार साँझ चार जना तस्कर आइरहेको सूचना प्रहरीले पाएपछि उनीहरुलाई नियन्त्रणमा लिन खोज्दा तस्करले आक्रमण गरेपछि प्रहरीले जवाफी फायर गर्दा १ जना तस्कर घाइते भएको घाइतेलाई उपचारका क्रममा मृत्यु भएको जिल्ला प्रहरी कार्यालय कञ्चनपुरका प्रवक्ता डीएसपी अमर बहादुर थापाले बताए ।
उनका अनुसार ३ जना तस्कर भने भाग्न सफल भएका छन् । उनीहरुको साथबाट प्रहरीले नक्कली पैसा र पैसा छाप्ने मेसिनसमेत बरामद गरेको छ।
