संसद विघटनविरुद्ध परेको रिटमाथि संवैधानिक इजलासमा बहस सुरु

काठमाडौं – संसद विघटनविरुद्ध परेको रिटमाथि संवैधानिक इजलासमा बहस सुरु भएको छ । न्यायाधीश हरिकृष्ण कार्कीले इजलासमा नबस्ने घोषणा गरेपछि सपना मल्ल प्रधानलाई थपिएको छ ।

न्यायाधीश चोलेन्द्रशम्शेर जबरा नेतृत्वको इजलासमा अब मल्ल, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसी छन् । अहिले यो मुद्दा किन बृहत पूर्ण इजलासमा भन्ने बहस सुरु भएको छ । १३ जना रिट निवेदकले नै यो मुद्दा बृहत पूर्ण इजलासमा लैजान माग गर्दै लिखित निवेदन नै दिएका छन् । आज बुधबार ५ जनाले बहस गर्नेछन् । बहसका लागि एक घण्टाको समय छुट्याइएको छ ।