दोलखा – संसद विघटनविरुद्ध अहिले देशभर विरोध भइरहेको छ। प्रधानमन्त्री ओलीको सिफारिसमा राष्ट्रपतिले संसद विघटन गरेपछि चौतर्फी आलोचनासहित विरोध भइरहेको छ ।
शनिबार दोलखामा नेकपा निकट विद्यार्थी संगठन अनेरास्ववियुका युवाहरूले कुकुरको घाँटीमा प्रधामन्त्री ओलीको तस्बिर राखेर प्रदर्शन गरेका छन्।यसरी घाँटीमा डोरीले बाँधेर कुकुरलाई सास्ती दिएपछि सामाजिक सञ्जालमा चौतर्फी आलोचना भइरहेको छ ।
प्रदर्शन गरेको केहीबेरमै प्रहरीले सो तस्बिर खोसेको थियो। चरिकोट बजारमा युवाहरूले कुकुरसहित प्रदर्शन गरेका हुन्। गल्लीबाट उनीहरू कुकुर लिएर बजारतर्फ पसेका थिए। ती युवाहरू नेपाल कम्युनिष्ट पार्टीका अध्यक्ष प्रचण्ड र माधवकुमार नेपालनिकट थिए।
