चितवन – नेपालमा पछिल्लो २४ घण्टामा थप ९५२ जना कोरोना भाइरसको संक्रमणमुक्त भएका छन् । यससँगै हालसम्म कोरोनामुक्त हुनेको संख्या २ लाख ४६ हजार २४१ पुगेको छ ।
पछिल्लो २४ घण्टामा देशभर ७४३ जना नयाँ कोरोना संक्रमित थपिएका छन् । देशभरका प्रयोगशालामा ६ हजार ५५९ जनाको स्वाब परीक्षण गरिएकोमा ४६४ पुरुष र २७९ महिला गरी ७४३ जनामा संक्रमण पुष्टि भएको हो । यससँगै देशभर अहिलेसम्म कोरोना संक्रमितको संख्या २ लाख ५९ हजार ५७९ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार संक्रमित मध्य अहिलेसम्म १ हजार ८०३ जनाको मृत्यु भएको छ । पछिल्लो २४ घण्टामा मात्र ५ जनाको मृत्यु भएको छ । संक्रमित मध्य ७ हजार ५१५ जनामा अझै कोरोना सक्रिय छ ।
