चितवन – चितवनमा लागुऔषधसहित एक जना पक्राउ परेका छन् । प्रहरिले आज भरतपुर महानगरपालिका–१ स्थित रामनगर सडक छेउमा मोटरसाइकल पल्टिएर घाइते अवस्थामा रहेका पोखरा महानगरपालिका–२७ का ३१ वर्षीय सुवास गुरुङलाई लागुऔषधसहित पक्राउ गरेको हो ।
नारायणगढबाट मुग्लिनतर्फ गइरहेको ग १८ प ५९०० नम्बरको मोटरसाइकल दुर्घटनामा परेको थियो । घाइते अवस्थामा रहेका गुरुङको प्रहरी टोलीले झोलामा चेकजाँच गर्दा लागुऔषध फेला पारेको थियो ।
प्रहरिले उनको साथबाट प्रडाईजेपाम ३०० एम्पुल, व्यूप्रिनोफिर्न ३०० एम्पुल र फेनारगन ३०० एम्पुल फेला परेको बरामद गरेको छ । गुरुङलाई पक्राउ गरी लागुऔषध मुद्दामा म्याद थप गरि अनुसन्धान भईरहेको जिल्ला प्रहरी कार्यालय चितवनले जनाएको छ ।
