पोखरा – गण्डकी प्रदेश सांसद राजीव गुरुङ (दीपक मनाङे) ले अर्थ तथा विकास समितिको सदस्यबाट राजीनामा दिएका छन् । सांसद गुरुङले कामै नभएको बेकामको समितिमा बसिरहनु औचित्य नदेखेकाले समितिका सभापति दीपक कोइरालालाई राजीनामा बुझाएका हुन् ।
समितिको काम अनुगमनमा सीमित रहेको र अनियमितता देख्दा कारवाही गर्ने अधिकार पनि नरहेको भन्दै उनले सभापति कोइरालालाई राजीनामा बुझाएका छन् । ठेक्कापट्टामा मन्त्रीका नजिकका मान्छे इन्जिनियर राखेको र क्रसर उद्योग, विकास निर्माणमा भएका अनियमितता सम्बन्धमा आफूले पटक–पटक कुरा उठाए पनि कुनै सुनुवाइ नभएकाले राजीनामा दिएको उनले बताए ।
विकास निर्माणमा भइरहेका अनियमितता र बेथिति रोक्न नसक्दा आफूलाई लाज लागेको भन्दै उनले राजीनामा दिएका छन्
