कोरोनाको संक्रमण रोक्ने आवश्यक कदम चाल्न सर्वोच्चको आदेश
काठमाडौं – कोरोनाभाइरसको संक्रमण रोक्ने आवश्यक कदम चाल्न सर्वोच्च अदालतले सरकारलाई अन्तरिम आदेश दिएको छ। अधिवक्ता पूर्ण राजवंशीले प्रधानमन्त्री तथा मन्त्रिपरिषद् कार्यालयलाई विपक्षी बनाई हालेको रिटको सुनुवाइ गर्दै न्यायाधीश तेजबहादुर केसीको एकल इजलासले सोमबार मन्त्रिपरिषद्को कार्यालय र स्वास्थ्य मन्त्रालयलाई आवश्यक कदम चाल्न अन्तरिम आदेश दिएको हो।
नेपालमा अहिलेसम्म कोभिड-१९ को धेरै संक्रमित फेला परेका छैनन्। केही समयअघि एक जनामा उक्त भाइरस देखिए पनि उनी उपचार गरेर घर फर्किसकेका छन्।
तपाइँको प्रतिक्रिया